Webquest honek aurkezten duen lan prozedura hasieratik bukaerara hizkuntza bakar batean egin daitekeen arren, proiektuak bere zentzu osoa hartzen du beste webquest-etan aurkeztutako jarduerak ere eginez gero, aurkezten ditugun laurak (euskaraz, gazteleraz, frantsesez eta ingelesaz) Hizkuntzen Trataera Bateratua programaren bidez lan egiteko materialaren osagaiak baitira.
WQ hauek sortzeko aukeratu den testu tipoa narrazioa izan da eta lana garatuko den hizkuntza bakoitzak testu genero desberdin batean jartzen du arreta.
Ingelesa eta frantsesaren kasuan azken ekoizpena eskutitz informala izatea erabaki da.
Gaztelerari dagokionez, ikasbidedun alegia.
Euskarazko azken ekoizpena, beste hizkuntzetan burutu diren azken ekoizpenak bilduko dituen ipuin edo kontakizun laburra izango da. Kontakizunaren une zehatz batean  frantsesezko zein ingelesazko WQ-ean idatzi duten gutuna txertatu behar dute eta istorioa, gazteleraz azken ekoizpen legez landu den aholkua erabiliz amaitu behar da, edo saiatu behintzat.
Ikasleei oso argi azaldu behar zaien prozesua da hau, hizkuntza desberdinetan egindako bere ekoizpenak elkar lotzeko beharrizana ikus dezaten, eta osatu diren guztiak bere ipuin edo kontakizunaren parte izateko sortu direla…
Ikasketen transferentzia eraginkor izan dadin, egokia litzateke unitatea bideratuko duen irakasleak koordinaturik izatea eta lana garatuko dituen uneak zein prozesu desberdinen jarduerak aurrera eramateko erak zehaztea.
Zeregina, taldearen ezaugarriak direlako zein beste edozein baldintza delako, zailegia gertatuko balitz, WQ bakoitza bere aldetik lan daiteke. Hala ere hizkuntza desberdinetan narrazio testuaren inguruan garatuko dituzten ikasketei etekin ateratzea da helburua.
 

Euskeraz eta gazteleraz egindako WQ-etan bi eredu eskaintzen dira.

Narrazioa euskeraz eta gazteleraz eta alegia euskeraz eta gazteleraz.

Ikasle ereduaren arabera aukera hauek daude:

D-eredua narrazioa euskeraz eta alegia gazteleraz

A-eredua narrazioa gazteleraz eta alegia euskeraz  

  Denboralizazioa: 4-6 saio