ONDORIOA
Historiak eman duen musikaririk handienetako bat ezagutu eta berak sortutako musikaz gozatu ondoren, orain zenbait hausnarketa egiteko garaia heldu zaigu.
Egiaztatu duzue musika onak, kalitatezkoak, ez duela garairik. Web quest honetan entzun dituzuen pieza asko beste leku batzuetan entzunak dituzue, telebistan, irratian, zineman..., ezta?
Bestalde, ikusi duzue eta jakin badakizue arte bizitza ez dela bizibide erraza izaten. Arrakastaren atzean, aparteko gaitasuna bai, baina lan eta ahalegin handiak daude.
Pertsonaia berezi hauek ere, guk bezalaxe, kezkak, poztasunak eta sufrimenduak dituzte... Ez duzue uste Mozart gaur eguneko musikaria izan daitekeela?
Honelako pentsamenduak eta beste batzuk ere idatz ditzakezue Word fitxa batean "Hausnarketak" izenburupean eta gainontzeko materialekin aurkeztu ebaluaziorako disketean.